HOLANDSKA KUĆA

Mejv i Deni su imali djetinjstvo kao iz bajke: uspješnog oca, brižnu majku, odanu poslugu i bezbrižan život u velelepnom zdanju – u kraju poznatom kao Holandska kuća – koje bi se po veličini i osobenosti moglo čak nazvati i palatom. A onda su za samo nekoliko godina sve izgubili, ostavši takoreći na ulici i upućeni samo jedno na drugo.

Tokom narednih pet decenija, poput savremenih Ivice i Marice, njih dvoje polako ali sigurno utiru sebi put kroz život. Ali ma koliko bili uspješni na mnogim poljima, nikako ne mogu da raskrste s prošlošću, a čežnja prema Holandskoj kući i mržnja prema maćehi pretvaraju se gotovo u opsesiju koja briše granice između dobrote i sebičnosti, između bezuslovne odanosti i slijepe mržnje.

Roman Holandska kuća našao se u najužem izboru za Pulicerovu nagradu za 2020. godinu.